Креативно студио за социјални мрежи
ВИ алати како Canva AI, ChatGPT или Runway овозможуваат да креираш дизајн, видео и текстови за социјални мрежи за мали бизниси. Многу сопственици на ресторани, салони или бутици немаат време за Instagram – а ти можеш да понудиш брза и поволна услуга за креирање содржина. За почеток ти е доволен лаптоп и малку смисол за естетика.
Пишување и уредување содржина
Од блог објави и newsletter-и до преводи и оптимизација на текстови – ВИ асистентите за пишување можат да ти помогнат да работиш побрзо и поефикасно. Ако познаваш некоја област (мода, ИТ, патувања, гастрономија), можеш да се специјализираш и да нудиш услуга како content writer. Клиентите токму тоа го бараат – некој што комбинира вештина за пишување со знаење за трендовите.
ВИ тутор за јазици или вештини
Учењето јазици е огромен пазар. Со ВИ преведувачи и алати за конверзација (на пр. ChatGPT voice), можеш да понудиш мини курсеви или индивидуални часови. Твојот придонес е структурата и мотивацијата, а ВИ е асистентот за вежбање. Слично важи и за други вештини – од copywriting до основи на дигитален маркетинг.
Dropshipping + ВИ маркетинг
Е-трговијата е полесна од кога било. Ќе најдеш производи на платформи како AliExpress или кај локални добавувачи, ќе направиш онлајн продавница (Shopify, WooCommerce), а потоа ќе користиш ВИ за генерирање реклами, визуали и описи на производи. Твојата задача е да пронајдеш ниша и да го пласираш производот, а ВИ ќе заврши поголем дел од техничката работа.
ВИ консултант за мали бизниси
Иако звучи „големо“, во пракса значи – да им покажеш на сопствениците на мали фирми како можат да користат ВИ во својата работа. Можеш да им објасниш како да користат ChatGPT за мејлови, како да направат автоматизирани Excel табели или како да пишуваат понуди и огласи. Луѓето сакаат конкретни решенија, а ти можеш да ја наплатиш услугата по час или по пакет.
Наместо да чекаш „голема идеја“, со ВИ можеш да почнеш веднаш. Најважно е да го тестиаш пазарот, да ја пронајдеш својата целна група и да понудиш едноставно решение. Понекогаш и најмалиот чекор – првиот клиент, првата објава, првиот текст – може да биде почеток на сериозен бизнис.
